Lukmançylyk mekdebiň täzelikleri

Ýurdumyzda 2021 — 2025-nji ýyllar üçin «Sagdyn ene — sagdyn çaga — sagdyn geljek» atly Milli strategiýa hem-de ony ýerine ýetirmegiň meýilnamasy boýunça giň gerimli işler durmuşa geçirilýär. Şoňa laýyklykda, Watanyň geljegi bolan ýaş nesilleriň sagdyn durmuş ýörelgelerine eýerip ýaşamaklaryny gazanmak nukdaýnazaryndan şu düzgünleri berjaý etmek möhümdir :

— çagalaryň we ýetginjekleriň iýmitlenişini dogry we talabalaýyk gurnamak;

— tiz zaýa bolýan önümleri sowadyjyda saklamak, zaýalanma alamatlary bolan we möhleti geçen iýmit önümlerini ulanyşdan aýyrmak;

—  çagalar edaralarynda çagalaryň bedenini taplamagyň çärelerini we beýleki bedenterbiýe maşklaryny, sport çärelerini yzygiderli geçirmek;

—  kiçi ýaşly çagalary irden sagat 10-a çenli gezim etdirmek, içimlik arassa agyz suwuny mydama ýanlarynda saklamak, Günüň gyzan wagtynda daşa çykmazlyk, ýeňil pagta süýümli, açyk reňkli eşikleri, gorag başgaplaryny geýmek we äýnekleri dakynmak;

— düzüminde kofein saklaýan we gazly suwlary içmekden saklanmak;

— otaglarda çygly arassaçylyk işlerini geçirmek we olary wagtly-wagtynda ýelejiretmek.

Durmuşymyzyň  gül-gunçalary, geljegimiz bolan ýaş nesilleriň döwrebap okamagy, hünär öwrenmegi hem-de olaryň ata Watana, il-halkyna wepaly ynsanlar bolup ýetişmegi babatda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, döwletli işleri rowaç bolsun!