Baýramçylyk mynasybetli-görelde sapagy
117Pähim-paýhas ummany - Magtymguly Pyragy ýylynda Arkadagly Serdarymyzyň baştutanlygynda Türkmenistanda milli bilim, ylym, saglygy goraýyş ulgamlaryny hem-de orta we ýokary okuw mekdep ylmyny ösdürmek we dünýä derejesine çykarmak maksady bilen ägirt uly işler alnyp barylýar.
Türkmenistanyň Prezidenti Serdar Berdimuhamedowyň nygtaýşy ýaly , milli bilim ulgamyny kämilleşdirmekde, ägirt uly ylmy mümkinçilikleri bolan giň dünýägaraýyşly we täzeçil tehnologiýalary dolandyrmaga ukyply, maksada okgunly ýokary hünärli ýaşlary terbiýeläp ýetişdirmekde ähli zerur tagallalar edilýär.
Berkarar döwletiň täze eýýämynyň Galkynyşy döwründe ýurdumyzda Türkmenistanyň saglygy goraýyş we derman senagaty işgärleriniň baýramçylygynyň dabaraly bellenýän günlerinde Gurbansoltan eje adyndaky Daşoguz lukmançylyk orta okuw mekdebimizde hem dabaraly çärelere baý boldy.
Türkmenistanyň taryhy dersiniň mugallymy Güljahan Ilamanowa Türkmenistanyň kanunçylygynyň esaslary dersinden Türkmenistanyň saglygy goraýyş we derman senagaty işgärleriniň günine we Magtymguly Pyragynyň doglan güniniň 300 ýyllygyna bagyşlap görelde açyk sapagyny geçirdi.
Sapakda ýurdumyzda bolup geçen syýasy täzelikler barada, ýagny, Gahryman Arkadagymyzyň her ýyl lukmanlaryň hünär baýramçylygyna “Türkmenistanyň dermanlyk ösümlikleri” kitabynyň bir jildini peşgeş bermeginiň asylly däbe öwrülendigini, şu ýyl hem XVI jildini peşgeş berendigi baradaky hoş habary talyplara buýsanç bilen ýetirdi. Söhbet sapagynda täze kabul edilen kanunlar, maşgala mukadessligi, Maşgala kodeksi we ata-babalarymyzdan nesilden-nesle geçip gelýän maşgala gymmatlyklary, maşgalada ene-atalar bilen çagalaryň arasynda ýüze çykýan gatnaşyklary barada gürrüň edildi. Görelde açyk sapagynda geilen tema barada wideoşekiller, suratlar, prezentasiýalar bilen has-da baýlaşdyrylyp, ýatda galyjy we täsirli pursatlara baý boldy.
Gurbansoltan eje adyndaky
Daşoguz lukmançylyk orta okuw
mekdebiniň
Türkmenistanyň taryhy dersiniň
mugallymy Jeren Wellekowa
