Ylmy – amaly maslahat
124 Gahryman Arkadagymyz Gurbanguly Berdimuhamedowyň “Türkmenistanyň dermanlyk ösümlikleri” atly ylmy-ensiklopedik köp jiltli kitabynyň häzirki zaman milli lukmançylygyndaky orny atly ylmy – amaly maslahat 2024-nji ýylyň oktýabr aýynyň 10-ynda Gurbansoltan eje adyndaky Daşoguz lukmançylyk orta okuw mekdebiniň jemgyýetçilik guramalarynyň gurnamagynda ,,Gahryman Arkadagymyz Gurbanguly Berdimuhamedowyň ,,Türkmenistanyň dermanlyk ösümlikleri’’ atly ylmy-ensiklopediki, köp jiltli kitabynyň häzirki zaman milli lukmançylygyndaky orny’’ ylmy-amaly maslahat geçirildi. Saglygy goraýyş işkärleriniň gününe bagyşlanyp geçirilen bu dabarada Daşoguz Onkologiýa hassahanasynda, lukmançylyk orta okuw mekdebiniň talyplarydyr, mugallymlarynyň gatnaşmagynda ylmy nutuklar okaldy we pikir alşyldy. Her bir sözi merjenler dänesine deňelýän bu kitapda “Dermanlyk ösümikleriň häsiýetnamasy” we “Maglumatnama”, şeýle-de dermanlyk ösümlikleriň atlary elipbiý tertipde berlip olaryň her biriniň gowy reňkli suraty ýerleşdirilen. Ösümlikleriň atlary üç dilde – türkmen, latyn, rus dillerinde berilýär. Olara häsiýetnama berilende bütewi meýilnama boýunça häsiýeti ýaşaýyş aýratynlygy, ýarawy, tebigy gory, dermanlyk çig maly, himiki düzümi, peýdalanylyşy, olardan dermanyň taýýarlanylyşy hem-de ulanylyşy beýan edilýär. Alym Arkadagymyzyň türkmen tebigatynyň jana tenekar dermanlyk ösümlikleriniň bejerijilik häsiýetlerini ylmy esasda açyp görkezmegi dünýä lukmançylyk ylmynda täze tejribe boldy.
Ylmy maslahatda çykyş edenler, türkmen halkynyň Milli Lideri Gahryman Arkadagymyzyň jöwher paýhasyndan ýazylan, örän gymmatly maglumatlary özünde jemleýän ylmy ensiklopedik kitabynyň saglygy goraýyş işgärleri üçin talyp ýaşlar üçin, häzirki zaman milli lukmançylykda örän gymmatly gollanma ýan kitap bolup durýandygyny aýratyn nygtaladylar.
Ogulgözel AMANOWA
Gurbansoltan eje adyndaky Daşoguz lukmançylyk
orta okuw mekdebiniň farmakologiýa mugallymy
