Lukmançylyk mekdebiň täzelikleri

Ylym — beýik ösüşleriň şuglasy

Türkmen halkynyň Milli lideri, Gahryman Arkadagymyzyň, Arkadagly Gahryman Serdarymyzyň pähim-parasada ýugrulan taýsyz tagallalary netijesinde eziz Diýarymyz ýaşlaryň päk isleg-arzuwlarynyň hasyl bolýan bagtyýar ýurduna öwrüldi. Arkadagly Gahryman Serdarymyzyň taýsyz tagallalary netijesinde bilimlere we innowasiýalara daýanylyp, ýurdumyzda ylym-bilimi has-da ösdürmek, dünýäniň syýasy, ykdysady, ylmy giňişliginde Türkmenistanyň ornuny pugtalandyrmak babatda uly tejribe toplanyldy. Jemgyýetimiziň aň-bilim kuwwatyny berkitmäge we adamyň intellektual dünýägaraýşyny ösdürmäge, ylym ulgamyny düýpli döwrebaplaşdyrmaga gönükdirilen milli maksatnamalar üstünlikli durmuşa geçirilýär. Eziz Diýarymyzyň innowasion ösüş ýoly ähli pudaklaryň hünärmenlerinden ýokary ussatlygy, bilimlerini yzygiderli ösdürmegi, oňat taýýarlykly, döredijilikli işlemegi talap edýär. Geljegimiz bolan ýaşlara bilim berlişini ýokary derejelere çykarmak, ylmy barlaglaryň netijeliligini ýokarlandyrmak, olary jemgyýetiň we döwletiň durmuşynyň wajyp meselelerini çözmäge gönükdirmek hormatly Prezidentimiziň bilim, ylym ulgamlarynyň öňünde goýan esasy wezipelerdir.

   Gurbansoltan eje adyndaky Daşoguz lukmançylyk orta okuw mekdebinde 2025-nji ýylyň iýun aýynyň 11-nde Ylymlar güni mynasybetli mekdebiň Ýaş alymlar geňeşi tarapyndan “Ylym we bilim durmuşyň ýagty saçýan şuglasydyr” atly ylmy-amaly maslahaty geçirildi. Bu maslahatda saglygy goraýyş işgärleriniň KA-nyň Daşoguz Geňeşiniň başlygy J.Hallyýewa, Daşoguz welaýat köpugurly hassahanasynyň KA-nyň başlygy, Türkmenistanyň Mejlisiniň deputaty Ý.Haýtjanow, Daşoguz şäher hassahanasynyň KA-nyň başlygy A.Sarykow, mekdebiň mugallymlary T.Amanowa, G.Ilamanowa, A.Atakulyýewa, T.Satlykowa hem-de dersler boýunça gurnaklaryň agzasy bolan talyplar G.Baýramowa, E.Şammyýewa dagylar çykyş etdiler.  Maslahata  welaýatda ýerleşýän ähli orta hünär okuw mekdepleriniň mugallymlary we talyplary hem gatnaşdylar. Mekdebimiziň mugallymlarydyr talyp ýaşlary bu ajaýyp ylmy-amaly maslahat üçin özleriniň buýsançlaryny beýan etdiler.

Ylymly ýaşlaryň belent maksatlara ýugrulan, ylmyň ileri tutulýan ugurlary boýunça gazanýan döredijilik üstünlikleri, täze ylmy oýlap tapyşlary döwletimiziň mundan beýläk-de gülläp ösmegine mynasyp goşant goşýar. Şeýlelikde, ýakyn geljekde ýurdumyzyň ylmyny has ýokary derejä çykarmaga ukyply ýaş türkmen alymlarynyň, hünärmenleriniň täze nesliniň kemala gelmegi üçin ähli şertler döredilýär. 

Bize  şeýle  bagtyýar, eşretli zamanany  peşgeş  beren, şeýle ajaýyp döwürde ýaşadýan, arzuwlaryň hasyl bolýan ýurdunda okamaga, döretmäge, işlemäge ajaýyp mümkinçilikleri döredip berýän Milli  Liderimiz  Gahryman  Arkadagymyzyň,  peder  ýoluny    mynasyp  dowam etdirýän  Arkadagly Gahryman Serdarymyzyň, janlary sag, başlary dik, tutýan tutumly işleri hemişe rowaçlyklara beslensin!  

Tyllagözel AMANOWA

Gurbansoltan eje adyndaky Daşoguz 

Lukmançylyk orta okuw mekdebiniň mugallymy